第一次写文，平时等人出文等得好辛苦，决定自己写下呢半年黎发生嘅事
如果支持嘅朋友就留个言，等我有动力将我嘅经历打晒出黎：）
第一章
我叫史宾沙，原因就只係因为英文名叫er，朋友就唔知点解会译左做中文，
久而久之自己都习惯左人地咁叫，差啲就以为自己真係姓史，
不过如果係熟小小嘅朋友都会叫自己做阿r3
人海茫茫香港而家个市又好似麻麻地，讲真都好鬼担心自己毕左业出到黎可以做啲咩，
好彩自己都有份p做下，又会帮人补下习咁，
闲时都会睇下个市用老豆个户口买小小股票仔
我谂应该就算第时搵唔到啲咩好工都唔会饿挂
讲返自己，朋友成日都话我似关智斌，不过应该我无佢咁斯文靓仔，
因为本身我没算青靓白净，同埋亦唔算係一个会特别做运动嘅人，
不过几年前俾人水左学打泰拳学左几堂又觉得几好玩，
打下打下就三四年，所以个身型都唔算好差，唔係大大旧肌肉涨卜卜果种，
但学左咁多年都总有少少腹肌，个线条应该都唔算好差，
见到平时喺拳馆都有啲女仔会问我拎下facebook，即刻觉得自己会沟死女。
咁多年我都係拍过一次拖，俾人飞果时真係到无朋友，
所以之后都唔係好敢再锺意人，或者係讲唔係好识再去爱，宁愿维持住性关係都唔敢再识人
每个星期二、五晏昼都会去何文田帮个中二嘅小朋友补习，
话就话佢係小朋友，不过生得就黎仲高过我，
好彩我都有178都唔算好矮，如果唔係俾个中二小朋友高过我真係丑死怪
佢叫阿允，有小小似宜家八时入席做阿潼个男仔，都算係可爱type，
不过对眼就总係好似古古惑惑咁，
佢成日都哥哥咁叫
其实一个高大嘅男仔扮可爱叫我哥哥我都唔係好顶得住
话晒都算係大人嘅身躯里面住左一个细路嘅心
讲开又讲，小朋友屋企真係好大，楼下又会所又盛
屋企仲要係日式风格，最紧要係个厠所整到好似日本风吕咁，坐三四个人都得
成日都幻想可以喺佢屋企沖个凉浸个浴，饮住清酒咁应该都几爽
反正佢屋企人又长期都好似无人，照我同佢都识左年算熟熟地应该唔会托我手挣挂
话说啱啱帮佢帮习嘅时候真心觉得佢个样好串，以为係有钱仔有啲少爷仔脾气
不过叫佢温嘅野佢会好俾心机咁交功课，又好似唔係想像中咁难搅
之后慢慢见多左，态度都开始有啲软化，有时都会pp下吹下水倾下计
佢会讲下佢学校啲野俾我听又会问下我点样着衫好睇
熟左之后仲成日手多多搅我只手话想好似我咁练粗小小只手臂，着背心时候个型会好睇啲
不过讲真，如果唔係自己有打拳嘅话依我宜家呢个生活方式
日日做re仲要食咁多快餐
实变左做一个肥仔，到时真係要唱一句"谁人会爱我这种er仔"
半年前有个星期三收到电话阿允话星期五唔得闲想改今日补习
其实平时佢唔係成日改时间我係应该要就下佢嘅，因为如果当佢係个客黎讲真係好好教
(我谂好多人都预过唔肯听人教，屋企人又坐埋喺度果啲恶搅野)
但我星期三约左教练学拳又真係唔係好想赶头赶命咁过去，
不过阿允话就算夜少少都可以等我，又话到有啲心事唔知同边个讲好想搵人倾
其实真係好尴尬因为打完拳个人真係好臭
就算係沖左凉对手果阵拳套嘅汗味真係连自己都顶唔住
加上套衫喺个袋又係会焗到好臭， 打开个袋就闻到
不过佢都话无所谓咁我唯有学完就仆上去啰
待续。。。
**第二章、第三章在第三页
**第四章在第五页
**第五章在第六页
**第六章在第九页
**第七章在第十页
**第八章在第十一页
**第九章在第十八页
**第十章在第二十页
**第十一章在第二十二页
**第十二章在第二十五页
**第十三章在第三十四页
**第十四章在第三十七页
**第十五章在第三十九页
**第十六章在第四十四页
**第十七章在第四十八页
**第十八章在第四十九页
**第十九章在第五十三页
喜欢〔真实〕〔广东话〕昏迷在有妇之夫的床请大家收藏：(m.52blshu.com),久久小说网更新速度最快。